中午12時下單,買滿HKD $500即日免費送貨

分清海刺海膽咪中伏

  
Posted by Admin 2018/04/16 0 Comment(s)

海刺同海膽外形相似,兩者同樣可以食用,但價錢就差幾倍!香港食肆近年都喜歡用海膽作招徠,例如放題海膽任食、全板海膽手卷、即開原隻海膽等⋯⋯又便宜又滿到瀉,大家肯肯定自己吃到的是海膽而不是「A貨海膽」-海刺嗎?唔想中伏,就要學識點樣分別真・海膽喇!

 

宜家我哋一齊就海刺和海膽的外形、味道和價錢三方面作出比較:

 

外形上有咩分別?

海刺殼上的刺明顯比海膽長而幼,海刺的刺好長好軟,所以一捉即斷,好容易刺到手,一刺入肉後就好難拔出來,傷口會灌膿,所以完全不能用手碰。海膽的刺則較粗鈍,即使將海膽放在手上,只要不強行用力,是不會傷到手的。

 

味道上有咩分別?

兩者雖然同樣可以食用。但海膽的肉顏色金黃,味道較鮮甜,有較濃的海水味,是刺身佳品; 而海刺則偏暗黃色,吃起來較腥和清淡。小編個人覺得海刺唔適合當刺身食用,反而適合當佐料入饌用,例如撈飯、炒麵等。

 

價錢上有咩分別?

兩者售價至少差數倍。由於海刺的價廉,普通人又不容易分辨與海膽的差別,所以有無良食肆渾水摸魚,用海刺扮海膽,故海刺在行內亦被稱為「A貨海膽」。

 

延伸閱讀:

標籤: 魚生小知識
Loading...