中午12時下單,買滿HKD $500即日免費送貨

刺身飲食文化冷知識

  
Posted by Admin 2017/12/01 0 Comment(s)

香港人愛吃刺身,每星期可能有1-2餐、甚至更多機會吃到刺身。大家都嚮往日本刺身,以為刺身源於日本,但事實並非如此;背後的冷知識你又知道幾多?小編今日先跟大家分享3大刺身飲食文化冷知識吧!

 

(1) 刺身唔係源於日本咩?

 

人人以為刺身係日本國粹,查實係源於中國。遠在西周時代,古人已愛吃魚生,時稱「魚膾/鱠」。「鱠」指的就是魚生/刺身。魏晉時期有很多詩篇都提及魚生。宋朝期間,每年陽春三月民眾更會到市郊金明池畔釣鯉,即釣即劏即食,屬年度盛事「臨水斫鱠」。話雖如此,真正將刺身飲食文化發揚光大卻是日本,在日本傳統及飲食文化中佔有舉足輕重的地位。所以今時今日大家想起刺身,都嚷著要到日本去吧。
(2) 刺身點樣食先啱?

 

就是先後有序。在傳統、正宗的的壽司餐廳裡,師傅就會為你決定用餐的次序,按味道由淡到濃上桌;一般是先吃清淡的白身魚,然後是鮮甜的貝類水產、最後才是濃味的赤身魚發油脂較種的魚類。只有咁食,你先可以享受每款刺身100%的鮮味,而不會互相「搶」味或失色。你仲未明?睇埋下面幅圖就清楚晒啦!。

 

(3) 刺身嘅最佳拍檔係?

 

不是白飯、不是醬油、不是芥末,而是常常勾起大大家疑問:到底要吃掉它?的伴菜。伴菜可以分為3小類:
「けん」讀音ken:就係將啲蔬菜切到好似劍咁幼,細長而尖銳。通常都係用白蘿蔔切成絲放係刺身底部。
「つま」讀音tsuma:指放係刺身旁作裝飾,例如幼芽葱、蘘荷、小菊花、紫蘇花/葉、同埋海藻。
「辛み」讀音karami:指生薑或山葵/芥末。
傳統日本師傅認為刺身跟伴菜嘅清爽味道係天生一對的,能去除魚腥味,而且刺身整體賣相會靚D,大大提高食慾!建議夾埋刺身一齊食,或者食完可以清一清口腔都得,下次你也可以試試。

 

標籤: 小編手記
Loading...