中午12時下單,買滿HKD $500即日免費送貨

韓國釜山五大人氣海鮮

  
Posted by Staff 2017/11/17 0 Comment(s)

除咗日本,韓國亦盛產海鮮無數。皆因韓國三面環海,與日本中間夾著的、正是兩國共同擁有蘊含豐富海產資源的「日-本-海」。趁今趟受邀出席釜山國際水產貿易博覽會,就為大家介紹一下韓國/釜山五大人氣海鮮啦!

 

今次行程走訪了韓國最大海鮮零售市場:札嘎其市場,當地海產批發市場及加工大樓,與及2017釜山國際水產貿易博覽會,絕對可以話係一次韓國海產業的快「閃」深度遊呀!而韓國三面環海,與日本分隔的正是蘊含豐富海產資源的「日-本-海」。作為韓國第二大城市,沿海而建的釜山,咪以為佢只是一個小漁港,全國有超過一半海產由此地批發及供應出口!宜家就同大家一齊進入韓國/釜山的海鮮世界,介紹一下當地的五大人氣海鮮啦!

「鯖魚」--呢個可以話係韓國人繼泡菜及燒肉以外,另一樣主要菜式,鯖魚價平量多,你無論走到街頭巷尾,都總有一間店在賣燒鯖魚。
「蟹」--包括各大小紅蟹和青蟹,香港喺街市買隻蟹分分鐘都要成嚿水,但喺韓國餐廳花HK$100-200就可以任食蟹放題,無限食到飽!
「左口魚」--地道韓式火鍋最普遍食用的魚類,價廉物美,用作刺身、醃製、炸物亦可,是非常受歡迎的食材。
「海参」--好比韓國人蔘,是高品質貨色,極具營養價值,是送禮佳品。當中有非常大部份會出口至中國,以至其他東南亞地區。
「貝類」--種類多不勝數,以鮑魚為例,喺香港大時大節食到一、兩隻都心足,喺韓國你隨時可以嘆個鮑魚宴呀!大鮑魚通常會切片刺生食,細鮑魚就蒸、炒、煮、炸樣樣得。

以上海鮮你或者要親身飛去韓國先食到,但有一款香港人的至愛安坐家中亦能品嚐,就係韓國的馬糞海膽/紫海膽,每年當造期間,我哋豊洲市場都會日日將新鮮海膽空運到港,幾時有?宜家Click入去就可以訂購喇!https://goo.gl/oeHWTa

圖1:因為盛產海鮮,連帶其加工食品亦五花百門!韓國紫菜相信大家都成日食,但會場裡就展出了的超過幾十種味道,唸到既同唸唔到既都有,真在令人嘆座觀止!白色的粗粒係鹽,據聞有韓國脷底丸之稱,專幫老人家補充鹽份。還有一些現成2人份量吞拿魚排,稍為加熱即食得;仲有無添加紅蟹醬油,濃度達55%,用來打邊爐一流(想要嗎?記住留意豊洲市場Facebook專頁)喇!

圖2:2017釜山國際水產貿易博覽會有超過30個國家、400個企業家、900個展位共同參予。

圖3:為釜山港口的批發市場附近的食品加工大樓的漁獲展示圖。

圖4:韓國最大海鮮零售市場:札嘎其市場。

標籤: 小編手記
Loading...